ОЛОН СУВГИЙГ НЭГТГЭСНЭЭР ЯМАР БОЛОМЖУУД БИЙ БОЛОХ ВЭ?
1. Ажилтны цагийг хэмнэх, ажлын бүтээмжийг нэмэгдүүлэх
Хэрэглэгчийн түгээмэл ашигладаг сувгуудыг нэгтгэснээр ажилтан олон программ дээр зэрэг ажиллах шаардлагагүй болно. Бүх харилцаа холбоог зөвхөн нэг систем дээрээс удирдах боломжтой болж, үүний үр дүнд:
- Ажилтны цагийн алдагдал буурна
- Харилцаанд зарцуулах хугацаа богиносно
- Нэг хэрэглэгчид төвлөрч, чанартай үйлчилгээ үзүүлэх боломж нэмэгдэнэ
2. Хэрэглэгчийг бодит цаг дээр таних
Олон суваг нэгдмэл болсон тохиолдолд хэрэглэгч чатаар хандаж байсан эсэхээс үл хамааран, утсаар залгах үед нь шууд таних боломж бүрдэнэ. Ингэснээр:
- Өмнө хэнтэй холбогдож байсан
- Ямар мэдээлэл авсан
- Нэр, хаяг зэрэг үндсэн мэдээлэл
- Харилцааны түүх /ярианы бичлэг, чат, ирсэн явсан и-мэйл мессеж/
гэсэн шаардлагатай бүх мэдээллийг нэг самбараас, яг тухайн мөчид харах боломжтой болно.
3. Шийдвэр гаргалтад нөлөөлөх, борлуулалтыг нэмэгдүүлэх
Хэрэглэгчийн өмнөх харилцааны түүх танд аль хэдийн харагдаж байгаа учраас тухайн хэрэглэгч:
- Юунд дуртай
- Ямар бүтээгдэхүүн авдаг
- Ямар онцлог, сонирхолтой вэ
гэдэг мэдээлэл танд бэлэн байна. Үүний үндсэн дээр та харилцаагаа илүү хувийн, оновчтой байдлаар эхлүүлэх боломжтой.
Жишээ нь:
“Сайн байна уу Батаа, та өмнө нь манайхаас X бүтээгдэхүүн авсан байна. Танд таалагдсан уу? Та ийм төрлийн бүтээгдэхүүн сонирхдог тул манай шинэ Y бүтээгдэхүүнийг санал болгоё.”
Ингэснээр:
• Дата дээр суурилсан харилцаа үүснэ
• Хэрэглэгчийн шийдвэрт эерэгээр нөлөөлнө
• Нэмэлт борлуулалт (upsell, cross-sell) хийх боломж нэмэгдэнэ
Omnichannel-ыг CRM программ хангамжтай уялдуулж ашигласанаар бусад ямар боломж, үр ашиг байдаг талаар мэдэхийг хүсвэл мэргэжилтэнтэй холбогдож зөвлөгөө авах боломжтой
.